首次盛夏拍古裝劇

    陳瀅決意剪布

    歐陽震華、陳瀅昨日出席劇集宣傳活動，兩人分別以外套加長褲及戴帽、黑色皮褸加長牛仔褲打扮現身，令眾人擔心他們會中暑。賴慰玲亦抱病上陣，全程戴上口罩。

    歐陽震華(Bobby)、陳瀅、賴慰玲、楊卓娜、張國強、鄭子誠、衛志豪及吳沚默等昨日出席“伙記萬歲”活動，為劇集宣傳，眾人分組沖咖啡慰勞監製及導演。昨日氣溫高達三十度，活動安排在露天地方舉行，早前因病缺席宣傳活動的Bobby雖已痊癒及復工，但仍穿上外套長褲及戴帽現身；陳瀅則穿上黑色皮褸長牛仔褲亮相，令人擔心她會中暑。她透露劇中會被鄭子誠迷姦，但她笑說：“我都係首次拍呢類戲，好開心我個對手係鄭子誠。”賴慰玲昨日亦抱病上陣，全程戴上口罩。

    陳瀅表示近日夜晚都要拍劇，加上睡眠不足會容易生病，所以寧願捱熱也不想冷病。她自爆前日只放了一日假，之後要拍古裝劇《痞子殿下》，“相信未來三個月都冇假放。”

    首次拍古裝劇，陳瀅覺得無論在講對白、節奏上都比拍時裝戲要用雙倍時間。不過她最擔心的還是戲服“剪布”的問題：“因為古裝戲服有好多層布，我已經同服裝同事講，盡量剪布、盡量減少層數。（夏天拍劇有何準備？）多飲水、多把遮、防曬、風扇、退熱貼，第一次拍古裝劇，希望順利！感覺呢個夏天都好熱，都好擔心。”

    Bobby被問到之前有何不適？但他以“想保留私隱”及不想令人擔心為由未有透露。他表示疫情期間在家中悠閒了幾個月，想嘗試出任幕後工作：“因為我有個朋友做電影，想搵我拍網劇，佢見我多鬼主意，問我有冇興趣試試做編劇或者監製。我自己都做咗三十幾年，好想試吓多方面發展。以往做演員都係被動，如果做編劇或者監製就主導好多，自己寫自己演的角色，更加有挑戰性。”

    Bobby透露暫定先做監製兼演員，預計第一套會是時裝戲，笑言以學徒身份做起，可以的話想嘗試做埋剪片及配樂。被問到他是否想轉型退居幕後？ Bobby強調仍然鍾意演戲：“活到某個年紀唔想靠人，想控制在自己手上。但我唔係轉做幕後，我仍然鍾意演戲，嘗試多啲係令到心態平衡。其實我的心態就係試過就算，因為我可以唔鍾意做乜就唔做。”