蘇慧恩拍MV幾乎中暑
藝人葉文龍日前為新歌《一頁傳奇》拍攝MV,由晴朗執導、蘇慧恩擔任女主角。為拍靚景,當日一行十三人赴抵東坪洲取景,氣溫高達三十二度,島上無遮無掩,多位工作人員受傷。
葉文龍擔心地表示:“拍攝當日,烈日當空陽光燦爛,拍攝團隊背着攝影器材上山下海,十分辛苦,真的非常感謝他們!當中更有工作人員受傷,希望同事快啲好返。”
MV女主角蘇慧恩亦出現輕度中暑,她說:“因為拍攝當日實在太曬太熱,我要着住婚紗行過大半個東坪洲,可能暴曬太久,熱到幾乎抖唔到氣、眼前一黑,有少少休克感覺。好彩之後坐低休息一陣、飲返水就冇咩事喇。”被問及有沒有後悔接拍?蘇慧恩說:“咁又唔會,因為葉師父平時教我打拳都好畀心機,佢有MV要拍,當然要幫忙啦。事實上,今次亦令我覺得平時學拳係有幫助,以前我行山好快就喘氣,今次拍足全程都幾乎唔覺攰,覺得自己進步咗。”
留言