本澳一間瑜伽健美中心「突然」公告快將結業,並溫馨提示顧客取回儲物櫃的私人物品,但無就退回預繳費用事宜作交代,一眾顧客擔心款項取不回,又向消委會投訴,又報警,還向傳媒反映。消委會立即跟進,至今接到近一百宗投訴,究竟涉及多少事主和金錢尚未清楚。據個別會員指該公司去年聲稱今年會費將加價,所以咪執輸續會兩年,預繳咗成萬元,好多會員也有續期,由此推敲,每個人無一萬元都有幾千元,涉及金額至少數十萬元或更多。
公告是突然,結業是預期,看似好有首尾,但就隻字不提錢字,消委會約見欲擺平事件也被拒,未知喺咪心煩計緊盤數,還是另有一套。現時距離結業當日不到一星期,消委會話會採取措施,密切跟進事態發展,但目前可以做最多是收集投訴者資料。該公司在公告開首便強調因疫情影響被迫結業,若因為經營不善而倒閉,除非肯退錢,否則等清盤分發賠償,賠唔賠得到還是未知數,再唔喺就以民事索償,但又要諗集體訴訟定喺各自追討?
最弊家吓連人都搵唔到,只有授薪職員坐喺到,咩都唔知到。呢單嘢,讓人想到十多年前一宗同類事件,當年一家在中區的瑜伽中心真喺突然關門大吉,超過二百顧客報案,涉及金額二百多萬元。雖然司警成功緝獲一名外籍男股東,控以詐騙罪,但已逃離澳門的美籍女負責人就好似無晒下文。今次要是一樣走咗佬,唯有等司警嚟做!雖然消費維權今時不同往日,在法律上有更多保障,不過預繳消費條款保險線依舊保你唔到!
山草
留言