馮盈盈慶生唔迫人食素
馮盈盈前晚出席港姐競選報名宣傳活動,適逢本月十號是她的廿七歲生日,她表示很多人約食飯,男女老幼都有。問到男伴會否需要一同食素?盈盈大方表示自己不會迫對方食素:“最好就有啲餐廳係你有你肉食、我有我素食。”
馮盈盈近期參與新節目《好聲好戲》,為劇集《巴不得媽媽》配音時喊到變豬頭,但不單得唔到原本演該角色的汪阿姐歡心,指她用錯感情:“你感情係好豐富,但好似有少少用錯咗”;評判王祖藍更狠批“我好擔心你適唔適合做呢行”、“你的壓力蓋過你的實力。”
結果《好聲好戲》由表現穩定的陳自瑤順利奪冠,而出名懶音勁的馮盈盈,雖然年前搵前報幕員羅山教正音,懶音情況改善好多,但依然落敗。她事後表示:“全因畀自己太大壓力,完全控唔到情緒。”
留言