鍾雨璇出寵物書行善
前名蘇慧恩的鍾雨璇 (O3)與寵物義工露卡斯及Cecilia Shing聯合推出慈善寵物書,日前邀請到高晉及曾頌珊出席新書宣傳活動,O3及曾頌珊分別帶同愛貓及愛狗到場。
書迷會上,鍾雨璇感謝兩位寵物義工一起幫忙編輯,完成這本心血結晶之作,她表示:“因為今次想慳啲錢,盡量捐多啲錢救助小動物,所以好多嘢都係一手一腳自己整。今次係我哋三個人人生第一次做排版設計,真係做咗好多個通宵。我哋連搬書、將紀念品入膠袋都係自己一手一腳搞。不過拎到本書、睇到嗰一刻真係好開心、好有滿足感,就算幾辛苦都係值得!”
高晉與曾頌珊都係愛狗之人,一起為新書寫序,兩人的狗狗亦是兩兄弟。高晉表示:“記得細個時好驚狗,因為被狗追過咬過,有陰影。但大個後知道有寵物需要領養,即刻就領養咗一隻。其實我覺得可以幫助小動物之餘,屋企仲多個伴,真係好開心!今次O3邀請我寫呢本書序,我當然即刻應承啦!因為我都好想幫多啲流浪小動物搵返屋企!”
留言