太極西裝骨骨迫爆呔
太極樂隊演唱會舉行在即,門票前日公開發售,早前發佈海報消息及一系列宣傳攻勢。日前展出隊員Gary Tong拍攝海報幕後花絮照片,隊友聚首一堂,西裝骨骨有別平時“Band仔”造型。Gary Tong希望演唱會舉行時,疫情會減退,叫粉絲準備寫心意卡表達愛意。
Joey Tang話睇唔慣隊友咁斯文,全靠造型師幫忙變靚仔:“因為今次搵咗黎明御用造型師幫手,所以大家都Sharp晒,我唔敢講係黎明Look,我只係黎明身邊飛過嘅一隻小雀仔!今次宣傳片都好勁,用特技製作,將我哋啲樣變老晒,我總之就係負責彈琴就得喇。”
期間主音雷有輝“爆呔”,要工作人員幫忙補褲,場面尷尬,他說:“因為大家着西裝,啲衫太貼身啦,我執嘢時就聽到一吓聲,就知道出事喇!希望演唱會可以着到咁靚仔,不過Ricky一定會打鼓打到爆晒衫!”
留言