媒體
  • 澳廣視新聞
  • 政府消息
  • 濠江日報
  • 澳門日報
  • 力報
  • 新華澳報
  • 正報
  • 華僑報
  • 現代澳門日報
  • 論盡澳門
  • 澳門平台
  • Media OutReach
  • 美通社
分類
  • 專題故事
  • 要聞
  • 體育
  • 娛樂
  • 產經
  • 即時新聞
  • 澳聞
  • 中國
  • 國際
  • 生活
新聞
  • Anson Lo新歌MV有彩蛋 Wyman呻近十年最難寫嘅歌
  • Netflix《王冠》七獎成大贏家 琦溫絲莉相隔十年再奪視后
  • 「KO唔到當我贏!」 林作唔認輸再挑機鍾培生
  • 水墨書法暗藏天王密碼 郭富城冇得賽車轉做畫家
  • 蘇耀光的演講大舞台
  • 視陳木勝為恩師 陳家樂夠薑怒罵甄子丹
  • 凌晨兩點收工再發負皮帖文 姜濤出席活動暈倒花姐報平安
  • 港澳美加三代選美世家 宋宛穎摘冠全靠媽媽做軍師
  • 法國電影奪金獅獎 威尼斯電影節彭妮露古絲封后
  • 陳偉霆買公仔講價 拖人個仔似拐帶畀恐龍嚇親
  • 隔住個海促進商機 林海峰盧覓雪振興澳門經濟
  • 到中山享受退休生活 肥媽考慮放棄葡籍做中國人
  • 《尚氣》演奸角外媒評價高 梁朝偉心情大好上載滑浪相
  • 郭晶晶為朱玲玲慶生 感恩有幸成為一家人
  • 因退款問題爆粗 193網店鬧客人文盲
  • 《全民造星IV》全女班亮相 193妹郭嘉盈順利入圍
  • 周秀娜出海滑水咪咪失蹤 瘦到見骨網友大呼心痛
  • 老鼠屎江嘉敏慘遭欺凌 被指「垃圾」請回堆填區
  • C AllStar經理人斥MIRROR擾民 花姐回應:唔好意思打攪晒!
  • 繼黃翠如被指壓力爆煲 高海寧「心緒好亂」 帖文令人擔憂

跟鄭秀文分享瘦身秘訣 黎明Keep Fit 自創風呂式減肥法

2021-07-13 12:01








天王黎明(Leon)一連九場的香港紅館演唱會前晚(11日)進行第二場,Leon首場個唱已請來林海峰做嘉賓,更大爆黎天王不斷爆金句,惹來全場爆笑。而第二場Leon則請來鄭秀文(Sammi)擔任嘉賓,二人更高歌一曲〈信者得愛〉之餘,Leon更與Sammi分享減肥心得,Leon自爆他的Keep Fit之道就是自創風呂式減肥法,在家浸住浴減肥,就連Sammi聽完後都覺得好有畫面,引得全場爆笑。(文:黎永樂 圖:相關機構)

一向歌精舞勁的Sammi在社交網上載在紅館後台的視頻,並留言:「今夜再踏入紅館。搵返自己曾留下的腳毛。腦?馬上浮現兩年前在這裡興奮舉行Follow mi。」她又說想起跟全場觀眾瘋狂舞動瘋狂high的時候,真的感到超開心,又謂下一個演唱會又有下一個演唱會的新意念。而Sammi唱〈信者得愛〉時,Leon都有跟著又Rap又跳,令現場觀眾睇得相當興奮。

浸浴食辣麵爆汗

眾所周知,Sammi十分勤力做運動,經常分享滿頭大汗片段到社交平台,她一出場,Leon就跟她分享「出汗」心得,他說:「Sammi,你做運動Keep Fit好勤力,我見你流好多汗。咁你知唔知我點Keep Fit?(你有Keep過Fit咩?)有。(係喎,Fit咗喎!)我係用日本風呂式。(即係點?)首先開個Bath。(除唔除衫?)除衫,然後浸落去。(嘩,好有畫面喎!)諗住自己喺日本,聽風呂音樂浸20分鐘,起身著返件浴袍,房入面開28度空調,食碗辣麵,坐15分鐘,成身流晒汗,肯定冇咗三至四磅。(包你流埋鼻血添呀!)唔會啩?(每個程序都咁熱辣辣。)」

Sammi:好有畫面

Sammi又笑說:「又浴缸又除衫,好有畫面,見到你啲肥肉呀!依家冇,依家好Fit!」Leon說:「肥肉會慢慢變少,水分嚟啫!」Leon再向Sammi請教節食減肥,他說:「有啲人減肥,每日只食一粒豆,你有冇試過?」Sammi說:「一粒豆?減肥?呢個唔係減肥法,係減壽法喎!一日一粒豆真係唔掂,起碼食兩粒,早晚各一粒,飽啲!」Sammi續說:「好多人都以為我不斷減肥,其實我依家做嘅功課唔係減肥係Keep Fit,做運動和食得健康,最緊要健康,肥嘅瘦嘅都唔緊要。今日嚟到呢個舞台見到你,依然咁靚仔!」

爆黎明應承拍MV反口

講到興起,Sammi爆料:「我要爆黎明少少嘢,佢唔知由幾時開始個人好飄,好迷離。幾年前佢打電話俾我,話想幫我監製一首歌。我心諗:乜你識監製歌嘅咩?心裡滿是疑問,不過見你係黎明就好啦!然後你搵咗你老友又係我老友Mark(雷頌德)幫我寫咗首歌〈犀利〉,我記得你仲話要幫我拍MV。MV?於是我上網查吓你拍過咩MV。點知有一日,你又話我知唔得閒,唔幫我拍MV啦!嘩,乜你咁飄架?你啲節奏好難跟呀!」Leon坦言:「我知我成日講嘢斷片,生活都係咁。(啲人話生咗仔會無記性。)又唔係我去生。(生女可能會好啲。)可能係,哈哈哈!」

黎明已表明每晚開騷都會為入場粉絲帶來歡笑。

黎明邀請鄭秀文擔任第二場紅館騷嘉賓。

黎明與鄭秀文表演時又Rap又跳,全場觀眾睇得勁High。
胡楓都有來睇契仔黎明演出。
黎明在個唱表演時,也帶來震撼的舞台效果。

力報新聞

時事討論


關注CyberCTM