柳應廷的〈砂之器〉以親情為題，希望提醒聽眾珍惜眼前人。

香港組合MIRROR今年成為娛樂圈風頭躉，成員們在歌影視界都有不俗發展。除了盧瀚霆（Anson Lo）和呂爵安（Edan）拍攝港版《大叔的愛》爆紅外，連兩人主唱的主題曲和Anson Lo唱的片尾曲都獲得網上超高點擊率，繼Anson Lo推出的單曲〈不可愛教主〉後，MIRROR另一唱得之人柳應廷（Jer）再度攜手上一首作品〈狂人日記〉班底小克、王雙駿，推出「重生系列」二部曲〈砂之器〉。Jer表示新歌以親情為題，希望提醒聽眾珍惜眼前人。（文：黎永樂　圖：相關機構）

承接〈狂人日記〉，「重生三部曲」的第二生〈砂之器〉，講述前世情人約定來生以母子相見，即使角色更改、但血脈相連，Jer透露新歌暗藏小巧思：「歌曲前奏其實都係緊接〈狂人日記〉尾段，希望用少少嘅承接去串連成件事。」新歌主要講親情，Jer說：「同家人相處難免會有不愉快，我哋係咪可以主動踏出一步、講一聲對唔住，去緩和雙方關係呢？唔好等到錯過，先學識珍惜身邊人。」

上演貼地親情戲碼

有別於上次的瘋狂演繹，Jer笑言今次MV比較「貼地」，劇情亦偏向生活化，其中與失智母親上演的親情戲碼，令他直呼難忘：「MV最後一幕，講到失智嘅媽媽做住一啲好愛我嘅事情，望住佢嘅背影，我有好多後悔，所以我要喺凝結嘅空氣下同佢道歉。其實無聲嘅『對唔住』威力最大，我都培養咗好耐情緒，先做到嗰個感覺。」提到MV當中一幕喊戲，Jer亦坦言全靠家人打開淚腺：「當日我真係諗住自己嘅媽媽，最近因為工作，少咗返屋企，冇見一排發現佢嘅白頭髮同皺紋都多咗；所以拍攝時代入真實嘅畫面，就好容易喊得出。」

冀MV呈現電影感

向來被視為團隊的「品質保證」，Jer認為歌曲和MV有著千絲萬縷的關係，開拍前亦不時與導演開會，希望呈現電影感：「平時聽歌除咗專注喺音樂上面，我覺得畫面都好有幫助，點樣透過鏡頭引導觀眾思考，又要喺短短四分零鐘帶出訊息、講故事，其實真係好難，所以事前都要同導演傾劇本；另外我都有提早到場，睇下大家嘅演出，希望可以將佢哋嘅感覺，放喺自己嘅角色入面。」

Anson Lo千字文吐心聲

另外，Anson Lo前晚（17日）在社交平台大講拍完《大叔的愛》的千字文感受，在劇中飾演「阿牧」的Anson Lo一方面分享拍此劇的感受，另一方面亦感謝劇組的信任，他表示一直擔心演繹不到原裝日版的精神，甚至怕自己演技糟蹋了原版，令觀眾失望。「但心裡知道呢個係一個好好嘅機會去試煉，去測試一下自己繼《男排女將》Bobby一角之後可以做到幾多，所以最後同花姐（其經理人）講『我想拍』。」他最後表示會繼續努力，十分享受演戲！希望下次再給大家睇到他不同的一面。

柳應廷冀歌曲MV呈現電影感。

柳應廷提到MV當中一幕喊戲，Jer坦言全靠想起母親打開淚腺。

Anson Lo（前）分享千字文，感謝《大叔的愛》劇組對他的信任。

Anson Lo拍完《大叔的愛》爆紅，其社交平台已逾41萬人追隨，多過其他MIRROR成員。