59歲周星馳（星爺）感情生活向來低調，去年他和舊愛于文鳳打官司才意外揭露過往戀愛史。昨日（17日）有港媒爆料，傳星爺與三位女友人出海玩樂，當中包括現年只得17歲的落選港姐張曉祺（Ukei），二人更被傳媒影到一同玩Wakesurf，疑似譜出一段相差42歲的爺孫戀。不過星爺助理亦有對緋聞作出回應，更指當日出海上船還有一大班人，又指是Ukei做主動搵星爺，星爺根本不想理她。（文：黎永樂）

據該爆料報道指，星爺被拍到帶著Ukei和另外兩名同行女性友人一同乘著價值過億的遊艇出海玩。期間星爺除了展示其滑水英姿外，還跟女伴們互相射水激戰，報道還指出，當晚眾人在艇上唱K，Ukei大唱星爺最愛的金曲如〈上海灘〉等。玩足一整天似乎意猶未盡，翌日再繼續，星爺和Ukei被發現齊齊再現身碼頭出海約會。

「富豪船P」邂逅對方有指喜歡坐遊艇出海享受生活的星爺，在6月一個「富豪船P」中邂逅曾參加本屆港姐面試但落選的Ukei。知情者透露，星爺初次見面已睇中Ukei，主動搭訕兼「抄牌」，還不斷約女方出海滑水，但星爺十分謹慎，約會時都有不少禁忌，「佢只會用微信撥號畀Ukei，從來唔會留低任何聊天紀錄，佢哋差唔多每星期都會出海玩，而星爺事先聲明見面時，影相唔可以影到佢個樣，亦唔可以錄到佢把聲。」

家境富裕拍過幾次拖

Ukei於今年6月參加首輪港姐面試，因她是眾面試者中年紀最細，加上以貼身短裙上陣時不小心露「股邊」，故被傳媒注意，不過最後未有入圍。之後有Ukei身邊人爆料指她家境富有。雖然年紀輕輕，但已拍過三、四次拖，還大爆她有特別癖好，指她愛上生物課，尤其解剖老鼠的環節最感興趣。

助手指女方做主動

不過星爺助手向傳媒就否認戀情：「星爺同嗰個女仔（Ukei）根本唔熟，嗰日船上仲有一大班人，前兩日個女仔都有主動搵星爺去玩Wakesurf，但星爺都冇理佢同冇回覆佢，因為大家都唔熟，一班人出海都唔知點解可以寫成咁。」

有指張曉祺跟星爺一起出海玩，二人一同玩Wakesurf。

張曉祺今年6月參加首輪港姐面試，可惜最後未有入圍。

周星馳感情生活向來低調，最近竟被爆譜出爺孫戀。

有指張曉祺家境富有，已拍過三、四次拖。

周星馳曾和不少電影女拍檔包括朱茵傳緋聞，黃一山（下圖）今年4月爆二人在29年前秘密交往。