張振朗被爆NG王兼喊包
前晚,無線台慶劇《拳王》監製Andy偕張振朗及黃子恒開Live,與觀眾互動之餘,並送出二人親筆簽名的《拳王》口罩套。Andy笑指這新劇決心將振朗與子恒來個性格大兜亂,帶給觀眾新鮮感。振朗即笑指有難度:“因為個角色好嚴肅、又多內心戲,仲要打好多份工!對我嚟講真係演得唔算得心應手。我嗰時真係拍到個人都唔同咗,變得唔鍾意講嘢,同埋好鍾意諗嘢。”
振朗與子恒又坦承係喊包,子恒指最近一次爆喊,是因為聽到劇集其中一首配樂,然後滿腦子都是海正藍(張振朗飾)的畫面,及拍攝時的所有畫面。至於振朗,則坦言無論是見到羅蘭姐(劇中演嫲嫲),抑或做訪問談及拍攝感受時,都定必感觸落淚。Andy聞言再玩踢爆謂:“係呀!佢好易喊,好記得第一次同佢合作《師父明白了》,佢話想睇番自己死嗰場戲,我咪畀佢睇囉,點知佢一睇就喊到豬頭咁,嚇親我呀!”Andy又笑指振朗是劇中NG最多演員,可以稱王,十分搞笑。
留言