胡鴻鈞篤爆何依婷想攞獎
胡鴻鈞(Hubert)何依婷與羅天宇等昨日出席台慶劇《十月初五的月光》宣傳活動,飾演男主角的Hubert除即場獻唱劇集主題曲外,並聯同一眾演員走到台下落力向市民拉票。
Hubert與何依婷同時憑該劇獲提名最佳男女主角、最受歡迎電視男女角色、飛躍進步男女藝員及最受歡迎電視拍檔獎;Hubert更入圍“最受歡迎電視歌曲”,而何依婷還入圍 “最佳女配角”獎。
對於獲得多項提名,依婷表示很開心,但平常心面對:“我覺得有獎係鼓勵,但都係平常心,因為怕失望。(最想得哪個獎?)攞到任何獎都開心,最想攞最受歡迎電視拍檔獎。”Hubert就踢爆依婷好想得獎:“佢話如果攞獎會瘋狂多謝我。”依婷解釋說:“我講笑咋,因佢喺台上不斷話係我攞獎,所以我便隨口話攞獎就多謝佢畀我信心。”
Hubert稱很有信心依婷能得獎:“希望佢先攞飛躍獎,唔好咁貪心。我覺得佢今年的作品同表演值得嘉許。”問到他對自己得獎的信心又如何時,Hubert笑言有自知之明:“不論是演戲的資歷和實力都未夠班得獎,只要大家鍾意便是,對獎項不強求,但就很想看到依婷在台上得獎時的表情。”再問Hubert是否對得最受歡迎電視歌曲獎較有信心,他說:“錄《祝君好》時有一定壓力,因為係一首經典作品,不容有失。我特別搵人重新編曲,自己演繹上都花咗時間去設計,希望大家鍾意啦。”
留言