首次策劃新歌有佳績

    陳毅燊派福利慶祝

    陳毅燊(Ansonbean) 曾玩轉大熱韓劇及致敬金曲的新歌，在網上推出後作全球播放，結果吸引了世界各地逾千萬人次點欣賞。Ansonbean表示在新一年會努力推出更創新的作品。

    陳毅燊(Ansonbean)去年尾為迎接萬聖節，想出新意思，玩轉大熱韓劇《魷魚遊戲》及Lil Nas X(ft.Jack Harlow)的歌曲《Industry Baby》。他一手包辦租場、排舞及錄歌等，打造出短片《Industry Baby ft. Squid Game》，短片推出後作全球播放，直至昨天觀看人數已超過一千萬人次，為他打了一支強心針。他表示未來會在音樂路上繼續努力，並會積極參與創作，為大家帶來更好、更創新的作品。

    Ansonbean得知短片獲得逾千萬人次的觀看率後，開心地說：“係好開心！呢個係我同另外兩位導演Lewis同Jervin的目標，我哋都希望觀看人數火爆之餘，亦可以將短片傳到去外國，美國睇片的人數佔百分之三十七點一，其餘的係其他國家及地區，感覺真係夢想成真！雖然呢首唔係我自己的歌，起初推出的時候會感到有點尷尬，但係出來效果大家都好鍾意，真係好大驚喜！有咁樣嘅成績，除了多謝兩位導演，一班參與的工作人員都好大功勞，要請大家食飯慶祝。”

    除了預告“萬歲”慶祝，Ansonbean還透露會派福利。他說：“我一定會派福利呀！新一年頭炮，會拍片帶世界各地的朋友去香港探險。但用咩方法就唔可以講住，保持神秘！我在新一年會拍多些生活上的片段畀大家睇，係一啲小小嘅作品。我依家就會去買一件泳衣，到天熱時候才買泳褲啦！哈哈。”

    今次這條短片由度橋、搵道具、租場、演員、排舞、錄歌等都由Ansonbean一手策劃，他希望將來會繼續搞搞一些更癲的作品來震撼大家。他說：“我會繼續大膽設定目標、做自己鍾意的事。今次預算有限，多謝兩位導演畀咗好多好橋，同時都教會我好多嘢。佢哋嘅橋好癲，例如混鏡、轉場景，我原本以為要好大支出，但係只要用技術同熱血搭夠。大家一齊博，結果就可以有呢次嘅化學作用。”