近年似乎愈來愈多聲音說澳門大好福利，包括已實施十多年的臨時措施現金分享，都話要檢視和討論應否持續。先不說小城是福利型社會，而現金分享推出的原因則眾所周之。這種派錢方式稱不上是福利，更多的是澳門在回歸之後，經濟發展有了重大改變，社會開始出現不均現象，貧富差距愈發嚴重，在無法自動調節的情況下，同屬水漲船高的政府，只好透過機制重新分配，為收窄大眾收入差距而埋單。
濠江乃微型經濟體，市場細小，很多行業也存在寡頭壟斷，即使開放也是得啖笑。市場無法做大之下，自然出現傾斜，包括財富。事實上，自賭權開放後，行業競爭激烈，才真正做到百花齊放，行內的薪酬得以提升，特區政府也因豐厚的賭稅收入，才有能力投放更多資源於社會發展上，其它行業亦因此得益，並非一些人所想只有小市民受惠。要是社會各持分者都懂得同舟共濟，更想有福同享，政府就不用出手！
若說要屋起屋，要錢畀錢，像是諉過於人般難聽。首先政府保障居民最基本的住屋需要，無可厚非，再講房屋政策向來混亂，私樓價格“堅離地”，空置又無人理，公屋就“擳牙膏”咁起。說到福利也不是話畀就畀，現金分享從來就是臨時性質，政府當然覺得有需要才畀，至於央積金的盈餘分配，無錢就無得畀。社保養老金更加要供款先有得畀，如果供款都唔夠畀，倒是可以檢討，但勞方肯做，都要資方願意。抗疫援助則是救萬民於水火，屬緊急賑濟。其它如長者、弱勢福利措施，有能力的政府都該做。如果一個發達地方，都仍有人因貧窮而餓死，無說話好講。
山草