江美儀撈起玄機

媒體

分類

新聞

撈起！撈起！撈起！出爐視后江美儀，妙製意頭菜式慶功兼團拜，當場示範……。“撈起”的人太多；“識撈”之人知多少……。

齊手夾腳“撈起”，一定要撈到瀉出碟外，撈到“賺到瀉，處處有油水……，今年，望當影后。旣然要撈起，隻碟越大越好，食材切絲越長越好。大家用金筷子撈起時，要高叫：越撈越高，越撈越長遠，撈到五湖四海，衝出國際……”食撈起時不妨雞絲、鮑魚絲、菜絲，遍枱濺散，撈到風生水起的氣氛才濃冽。

撈起，江美儀豪華熱鬧版本之外，有《黃金萬両》三少奶江嘉敏苦盡甘來版本。烹飪比賽魚焦雞黑，全軍盡墨還望絕地反彈，撿拾菜頭菜尾切碎，一齊起筷五色拼盤，叫“撈起”，贏了冠軍。巧婦無米也成炊！

據講，香港的撈起標準，中間必有大紅三文魚花朵，伴雞絲、鮑魚絲、七彩繽紛的菜絲，加油添醬，齊叫“越撈越起”。又傳，撈起原始版本，一碟魚生，加葱絲、炸粉絲，流行東南亞；到了香港越撈越豪華……《黃金萬両》的“三少奶撈起”，越撈越識撈……應屬珍饈，一百零一味。

越撈，越覺得香港越溫暖，“最難忘新年，家人移民後剩下我一個人在香港……那時，覺得一家人過年，氣氛那麼好。”江美儀打翻了人生五味架，又酸又甜，“如今父母回流返港，每年一齊食團年和開年飯，其實，都要珍惜這些時間。”

撈起當前，江美儀“識撈”，也識得揀飮揀食。茹素的她，“不須忍口，一定有齋食。馬蹄糕及椰汁年糕，童年記憶，也最愛吃。”

年年“高”！入行二十五年，才成為視后，是否太遲？“得到，已很難得，十年前奪得最佳女配角，十年後再贏最佳女主角。隔一段時間給我一些獎勵，（是否終極？）不是，反而覺得是一個開始，你要衝破這一個水平去另一個階段，接受新挑戰，步步維艱……。”

我想觀眾看到我另一面——有人以為我很惡很巴渣，好乞人憎的八婆又多齮齕，把聲難聽。江美儀說：“我可以百變的”！

高梁