媒體
分類
新聞
姜濤唔刻意模仿張國榮 翻唱〈追〉靠自己搵感覺
2023-03-22 07:01
姜濤重新演繹環球唱片《REMEMBERING Leslie》中張國榮的經典金曲〈追〉，在保留原作韻味同時注入新元素。他直言唱得很舒服：「以前喺演唱會都唱過，知道自己屬於中音嘅range，佢呢隻歌都係中音區，首歌令我唱得好舒服。當然要聽返哥哥原版演繹，到重新去唱、編排過嘅時候，一定要有自己風格、唱法加落去，太依賴會畀人覺得太模仿，唔想畀人覺得係模仿，因為哥哥係模仿唔到。」
姜濤的錄音過程亦相當順利：「雖然之前演繹過呢隻歌一次，但用新嘅編曲完整地演繹，係需要一邊唱一邊搵感覺，好彩比想像中順利。本身預兩日錄，變咗一日就搞掂。」除了唱功和演技外，姜濤亦非常欣賞哥哥風趣幽默的性格：「好多人都有睇過哥哥《今夜不設防》嘅訪問，佢重新定義咗咩係Charm，唔會淨係鏡頭前一張相，而係你個談吐、氣質。依家啲節目唔會畀你食住煙去傾偈，但佢可以好Chill，嗰個年代嘅Artist嘅人格魅力係更加突出，哥哥係比較突出嘅一位。」
留言