王祖藍一家四口首度現身行紅地氈。（相關機構圖片）

（左起）李思捷、王祖藍及阮兆祥宣布福祿壽今年會展開全球演唱會。（相關機構圖片）

王祖藍細女Hayley行catwalk又大派心心，可愛度爆燈。（相關機構圖片）

鄺文珣一家三口出席。（相關機構圖片）

王祖藍有份成立的公司日前於他的家鄉東莞舉行春茗，不少香港及內地藝人均盛裝赴會，當晚出席兼獻唱的嘉賓有黎瑞恩及林曉峰，另外還有岑麗香、鄺文珣一家三口、「福祿壽」阮兆祥、李思捷及王祖藍，當中身兼主人家的王祖藍更攜同李亞男（Leanne）及兩個囡囡，首度舉家齊齊現身紅地氈，成為全場焦點。

是次是祖藍首度一家四口行紅地氈，太太Leanne穿起低胸性感晚裝更盡顯其Fit爆身型，至於二人的大女Gabby及細女Hayley，則以粉紅「姊妹裝」亮相，二人更各有搶鏡招數。Gabby全晚拿著公仔滿場飛，至於Hayley則在徇眾要求下在紅地氈行catwalk，不但有姿勢有實際，更醒目地派心心，可愛度爆燈。

問到Leanne keep fit之道，她指除了均衡飲食及偶爾吃得清淡點外，還有另外兩大減肥妙法，分別是「萬年牛仔褲」及「湊女」。她笑言：「因為同阿女玩都消耗體力，重有一個秘密，就係唔好因為自己肥咗少少，就去買一件大一碼嘅衫，即係我點都要著返以前著開嗰啲牛仔褲，我啲牛仔褲十幾廿年個Size都係唔變嘅。」談到首度與兩個女行紅地氈，Leanne即冧爆指女兒「可愛」，並感恩著二人向賓客打招呼時，她們未有特別害羞忸怩，只是其間要花點功夫?Gabby。：「因為佢都好有性格，開始時唔係好願意笑，所以要?佢、鼓勵佢有禮貌同埋係咁讚佢靚，跟住佢就會笑㗎喇。」

至於祖藍則聯同阮兆祥及思捷上台致辭，宣布成立16周年的「福祿壽」今年會開全球巡迴演唱會及以模仿為主題的綜藝節目。祖藍表示：「本身演唱會喺15周年時已經想搞，因為當時有疫情，所以就順延到今年，呢個演唱會計劃係全球性，首站應該係我鄉下東莞。另外，今年都會喺大灣區度搵模仿達人，希望可以宣揚模仿文化，等大家知道模仿其實係要好認真先做到。」