主題：如何有效規劃退休生活

講者：澳門大學工商管理學院財務學助理教授李卓雄博士

日期：2013年11月23日（星期六）

時間：下午3時至4時30分

地點：氹仔黃營均圖書館（氹仔地堡街喜來登廣場二樓）

對象：澳門市民（歡迎40歲以上人士參加）

語言：廣東話

費用：全免

有興趣的人士可於辦公時間致電85997189報名，或郵寄姓名、出席人數和聯絡電話至pr@fss.gov.mo。活動名額有限，額滿即止，詳情可瀏覽社保基金網頁www.fss.gov.mo。

合約累事

無最壞，只有更壞。新巴士模式運作兩年以來，本已被人彈到一文不值，繼早前審計報告曝露出交通事務局嘅種種不是，令人嘩然之後。廉署近日更點出新巴士模式搞手交通事務局喺「六宗罪」，發現該局嘅處理公共巴士服務上存在非常明顯喺違法情況，指控比起行政違規嚟得強烈。廉署仲指出，新巴士服務模式嚴重損害公共利益及浪費公帑，更形容是執行行政監察有史以來發現違反法律及損害公益最嚴重的一個個案。廉署一番話足見問題有多嚴重。

之前巴士服務費調升一直遭人詬病，被指為不平等條約，每年都可以提出加價，服務唔掂都話要加，通脹嘛。首次加價由於先斬後奏，結果喺輿論壓力下，政府只好將加價程序凍結，攪噃掂啲服務先講，評鑑機制都未正式行，轉個頭就話其中兩間巴士公司服務達到要求，宣佈解凍，服務費照畀，不過為咗平息民怨，由今年起計數，其餘嗰間繼續凍結，希望大家條氣順啲。不過人家條氣就唔喺好順，唔畀就告你。

公認喺最差嗰間巴士公司告上法院，向特區政府追收三千六百多萬元服務調整費，無面畀。再唔畀就玩大佢，喺局長好夢正酣，夜麼麼宣佈破產，殺你一個措手不及。之所以任人魚肉，全因簽下一份合同，呢份合約並非如當局所謂“政府主導”，而只喺生意合作關係，一買一賣。故廉署建議政府立即採取糾正措施，包括與巴士公司解除合約，將現時嘅「提供服務合同」轉為「批給合同」，或者訂定新嘅批給合同。道理好簡單，因為只有批給才能話事。

山草