冬季轉會情報
過兩日就係聖誕佳節,提早向各位波友、老友、女友及專同小弟作對、推介A必揀B嘅一班麻煩友,祝所“友”聖誕快樂,中條波膽三串七齊齊嘆聖誕大餐。
一月份冬季轉會市場即將展開,歐洲各大球會又要入貨,最勁爆消息應該係車仔,根據路邊社消息,哥倫比亞頂級射手花高加西亞將以五千五百萬歐元,由法甲豪門摩納哥轉會加盟。車仔要爭奪各項錦標,的確極需要改善前線攻力,始終F托里斯與伊圖明顯走下坡,如果花高加西亞成事的話,“老摩”又如虎添翼。
跟住上“車”者仲有國米另一位哥倫比亞國腳古亞連,據講已經以一千八百萬歐元成交,只係等簽字。
至於今季迴光反照嘅阿仙奴與利物浦同樣有意加碼,兵工廠目標係多蒙特鋒將利雲度斯基,與馬體會急彈嘅射手迪亞高哥斯達,在兩件貴價貨中二選一,不過以“雲總”一向買人“寒氣”風格,似乎吹水居多。
紅軍方面,即將簽入有埃及美斯之稱嘅沙拉,呢位現年只有廿一歲的新星,身價高達一千五百萬歐元,確實屬於潛力股。其實最急切增兵應該係曼聯,不過莫耶斯果然有費爵爺風範,轉會計劃搞到神神秘秘。
足球評述員Ben
留言