品嘗林青霞家廚手藝
陳啟泰學做八爪魚刺身
陳啟泰(Ken)擔任有線飲食節目《小店大廚》主持人,深入不同臥虎藏龍的小店,走訪身懷絕技的大廚,了解他們由學徒成為大師傅、自立門戶成為老闆等的經歷,讓觀眾認識更多鮮為人知而又驚喜處處的小店。
早前阿Ken先後走訪香港首間日本八爪魚專門店及專門售賣生煎包的店舖,跟大廚學習炮製八爪魚刺身及生煎包。阿Ken起初以為處理八爪魚很簡單,只要洗淨切件上碟即成,豈料卻抵不住八爪魚“亂舞”,顯得有點雞手鴨腳。阿Ken說:“一拎隻八爪魚上手,佢觸鬚上嘅吸盤就啜住我隻手唔放,要八爪魚肉隨砧板上任我切都唔係想像咁容易。”後來阿Ken跟師傅學包生煎包,師傅純熟的手藝令他大感佩服:“師傅三兩下手勢就包好一個生煎包,我打摺都打好耐,仲要邊打摺邊漏餡,要師傅出手收拾殘局。”
阿Ken又到訪一間南洋風味的小店,訪問身懷絕技的大廚。Ken表示:“這間小店大廚Billy曾做過林青霞家廚。Billy當時睇報紙應徵,那時有好多大廚輪住煮,幾個人輪流試菜,原來個個都唔知係煮畀林青霞食。Billy成功過五關斬六將,終於有機會登堂入室親自為林青霞炮製美食。Billy指林青霞偏愛簡單但有特色的菜式,最鍾意食蒜泥白肉、飲燉湯,唔一定係鮑參翅肚。”阿Ken還跟大廚偷師學炮製黑松露炒飯,他一見Billy拋鑊的功架,就佩服得五體投地。
留言