李子健冇心儀某隊
邊個話足球員就一定支持世界盃某一隊?現役甲組足球員李子健就表示冇特別支持的球隊:“我冇特別去支持一隊國家隊,衹要嗰場比賽精彩我就支持啦。”
由於工作需要,李子健表示衹會觀看部分賽事,雖然冇特別支持的球隊,但今屆就睇好德國:“德國整體表現好好,成隊波好有紀律,表現好穩定,佢哋真係踢整體足球,一啲都唔獨食。印象最深刻係德國首戰對葡萄牙,即使湯馬士梅拿上演帽子戲法,佢慶祝嗰陣都唔會自己一個,而係走去同隊友一齊慶祝,分享喜悅,令我對呢隊波嘅印象好正面。”
李子健現時就封皇馬的G巴利為偶像:“首先佢好好球品,佢踢法同我好似,大家都係速度型打邊。令我成日都模仿佢嘅踢法,以佢為目標前進。雖然佢國家冇得踢世界盃,但我都係會支持佢。”
本報記者
留言