英超四強歸位
以為這個聖誕不太冷,點知英超快車都係要“應節”,前晚半程最後一輪比賽,榜首三雄齊齊和波爆出個小冷門。唔通佢哋真係有組織有預謀?
車仔與紅魔失分唔算出奇,最意外係藍月亮,竟然在自己地頭領先兩球情況下,被排尾二嘅般尼追和,錯過追貼車仔大好機會。不過,下半程剛剛開始,誰是最終王者依然有排爭。相信球迷最開心係睇到兵工廠終於歸位,打吡戰殲滅錘仔幫後,已經與聖徒同分一齊做“阿四”。爭標機會雖然仍渺茫,但始終都屬四大豪門之一,至少好過紅軍恨都恨唔到。
元旦日展開下半季賽程,四強繼續惡戰連場。“一哥”車仔作客熱刺成為焦點,近十次對賽車仔都未輸過,但唔代表冇失分可能性。“老二”曼城比較輕鬆,對住下游球隊新特蘭,經過對般尼教訓後,藍月亮確要小心翼翼。紅魔對住主場特別醒嘅史篤城,一樣有暗湧。至於修咸頓大戰阿仙奴,名副其實“四哥”爭奪戰。場場戲肉,難怪英超咁受歡迎。
足球評述員 Ben
留言