Katy Perry巡迴演唱會(澳門站)於5月1日、2日舉行。
Katy Perry巡迴演唱會(日本站)獲KyaryPamyuPamyu入場朝聖。
近日,美國樂壇天后KatyPerry展開巡迴演唱會,差唔多走遍成個亞洲。噚晚,佢就首度登上台北小巨蛋,仲例牌換上多套華麗戰衣大唱名曲。開唱前,Katy Perry 特別透過主辦單位話:「喺演唱會入面, 會請歌迷上台教Katy Perry 講中文!」唔止咁,佢又叫粉絲推薦台北地道美食,夠晒親民!據了解,當晚台灣藝人吳建豪、潘瑋柏都有入場朝聖。
Katy Perry喺亞洲地區嘅人氣真係唔講得笑,早前佢嘅巡迴演唱會(日本站)反應熱烈,就連東洋小天后KyaryPamyuPamyu都有入場睇佢嘅個唱。雖然Katy Perry嘅日本站只係得兩場,但佢就留咗喺日本六日,先後去咗迪士尼樂園、原宿、涉穀等熱門旅遊點。至於佢嘅巡迴演唱會(台灣站)結束後,就會休息兩日,然後喺5月1日、2日嚟到澳門威尼斯人金光綜藝館連開兩場個唱!
留言