張學友與張家輝難得同台,兩人在台上互扮對方。
張學友、張家輝演技出色,有機會一起入選影帝。
張學友、張家輝、余文樂、馮文娟、導演陸劍青及梁樂民為電影《赤道》去到廣州出席發布會。學友、家輝這兩兄弟同台大放笑彈,互相搶答對方問題又互扮對方,家輝笑言:「我係張學友!」學友就回應:「我係張家輝!」學友又說:「點解今次同台?因為之前唔夠錢,所以唔齊人囉!」
發布會上,學友被問到是否很難邀請他演出?他說:「一搵我就答應啦!劇本好、導演好,然後等家輝個期囉!」談到家輝與Janice Man對打的一場戲,家輝表示:「我成日畀佢鎖住,咁嗰時又就嚟新年,唔係幾好意頭,本來想叫導演延期拍,好彩最後冇乜影響。」
戲中學友演技出色,更有傳他有機會問鼎影帝,家輝即時扮學友搶答:「其實我都覺得係!不過我主打唱歌,而且喺唱歌嗰度都攞咗好多獎。」學友抵死地說:「唱歌攞好多獎? 好明顯分豬肉啫!」問到他們如果憑《赤道》一起入選影帝,最想誰得獎?學友則表示家輝其實想奪「最佳導演」獎。
留言