鄭秀文穿上紅色長裙唱〈放不低〉後,大爆曾患情緒病。
一連兩場「Touch Mi鄭秀文世界巡迴演唱會」澳門站,日前在澳門金光綜藝館於歌迷兩度要求「安哥」下圓滿結束。鄭秀文(Sammi)不但為澳門站準備了多套全新戰衣,而且兩晚跳得起勁又唱得投入,在唱出〈上帝早已預備〉和為情緒病人唱〈一追再追〉時兩度灑淚,既性感又感性。
開場時,Sammi連唱〈BangBang Bang〉、〈螢光粉紅〉和〈煞科〉等勁歌後,便向台下觀眾打招呼:「Hi Macau!今日我一早喺後台預備好,心諗唔知8點15分係咪可以準時開場。嘩!原來你哋都咁準時喎!有冇人噚晚睇過?」有粉絲答有,Sammi便說:「有冇咁好睇呀?睇完又睇,你喺澳門好悶咩?冇嘢做呀?」
自爆曾受情緒病困擾
Sammi穿上紅色長裙演唱了〈放不低〉後,便感性地說:「大約一年半前有人邀請我為情緒病患者唱主題曲,我個人咁開心,點解搵我?諗深一層,係喎,我幾年前都受情緒病困擾。當我睇到林夕寫嘅歌詞,就好想喊,歌詞每一句講返我經歷過嘅事。」接著她唱出〈一追再追〉,尾段緊接張國榮的〈追〉。此時,Sammi熱淚盈眶,令人感動。
多謝澳門歌迷支持
演唱會尾聲,有歌迷大叫「安哥」,Sammi穿著黃色女牛仔裝再出場,唱了〈捨不得你〉之後,她便因太熱脫去外套,大騷貼身恤衫,內衣更是若隱若現,非常性感。完場後,有歌迷不肯離開,Sammi換了貼身透視黑色長裙,戴上黑色面罩再度出場,令全場尖叫,她唱出〈默契〉後表示多謝澳門歌迷的支持,演唱會才圓滿結束。
留言