李娜喺微博宣布自己嘅自傳將會拍成電影,並由導演陳可辛執導。
導演陳可辛透露電影要物色扮演8歲同15歲李娜嘅演員。
中國網壇一姐,現年33歲嘅李娜,曾先後奪得2011年法網和2014澳網大滿貫女單網球冠軍。去年9月退役後,今年年初李娜宣布懷有身孕。日前,美國權威雜誌《The HollywoodReporter》以封面故事披露將推出李娜同名傳記電影,並刊登咗呢部片嘅概念海報。隨後,李娜亦喺微博發文話:「本來還想自己報料呢!我的自傳《獨自上場》即將被製作成電影,由中國最好導演之一的陳可辛執導。我會作為創意顧問和陳導一起工作。」
消息傳出後,即時引起中外媒體對電影《獨自上場》嘅高度關注,唔少女星都望當上李娜一角,成為國際焦點打開海外市場。一眾網民亦喺導演陳可辛嘅微博留言,紛紛推舉自己嘅偶像成為「李娜」。噚日,陳可辛回覆話從來未見過網民有咁大反應,證明大家對李娜嘅故事好有興趣。佢透露電影要物色扮演8歲同15歲李娜嘅演員,老婆吳君如即推薦女兒陳是知演出,陳可辛就話:「『惡屎』即惡死,即兇的意思。我女兒跟李娜真有得拼。」
留言