近日,Facebook流傳Baby結婚嘅消息,但後來證實係假嘅。
Baby經理人澄清呢張只係舊相。
黃曉明與女友Angelababy拍拖六年,感情穩定,兩人更不時喺微博大晒恩愛。近日,網上流傳Baby喺Facebook貼出佢同男友曉明嘅婚紗相,仲發文話:「從此,我屬於你。」引來40,000多名網民點讚祝福。隨後,Baby經理人就澄清呢個賬號係被人冒充嘅,而張相係兩人去年喺內地出席活動嘅舊相。不過,之後又有消息傳出,話曉明同Baby已經確定10月喺上海完婚。
噚日,有唔少媒體表示收到風,指曉明同Baby大概喺半年前就已經確定咗結婚嘅時間、地點。曉明近日已經飛到法國,會合剛完成康城影展宣傳工作嘅Baby,兩個人仲被記者目擊到喺楓丹白露宮影婚紗相。據傳曉明之後就會帶Baby到佢嘅出生地青島註冊,婚禮就揀喺Baby嘅出生地上海舉辦,成個婚禮估計耗資千萬人仔。有記者就向曉明經理人求證10月結婚一事,佢未有否認,只係話:「暫時不回應。」
留言