兩公婆一齊病倒入院,今次真係同病相憐。
楊千嬅上載一張右手插住針頭打點滴嘅相。
前日,楊千嬅喺網上貼出一張右手插住針頭打點滴嘅相,話自己打敗仗病咗,佢留言寫:「最後還是打敗仗!高燒不退,重遊舊地,醫生建議留院詳細檢查,才知這次真的受傷了。現要全面關機,接受治療,工作稍有延誤,萬分抱歉!每天躺著,掛念著家的寶寶,擔憂著工作,連丁生也病了!但不用擔心,考驗常在,病菌肆虐,大家要注要身體健康。」
原來楊千嬅因為感染流感,以至發熱不退,所以要入醫院接受治療。失蹤咗幾日嘅佢同大家報平安,佢話:「好多謝大家關心及問候,其實不用太擔心,我現在已退熱了,最主要是要休息,唯有等身體康復,好抱歉失蹤了幾天,大家好擔心,其實我在休息中!」而一直陪伴千嬅嘅老公丁子高,原來都因為身體不適一齊入院。好彩經過一日治療同休息,情況已經好轉。工作方面,楊千嬅嘅經理人林姍姍,就話千嬅原定嘅工作,包括電影配音同廣東專輯都要暫時停工。
留言