畢彼特與安琪蓮娜祖莉拍拖近十年,去年正式註冊結婚。
畢彼特將會送一架水上飛機畀安琪蓮娜作為生日賀禮。
荷里活巨星畢彼特(Brad Pitt)同安琪蓮娜祖莉(AngelinaJolie)拍拖近十年,於去年結束愛情長跑,正式註冊結婚。近日,有消息指畢彼特送將會送一架水上飛機畀老婆安琪蓮娜,作為佢下個月40歲嘅生日禮物,出手相當闊綽。畢彼特仲為老婆安排水上飛機升降訓練課程,確保安全,真係夠晒貼心。
安琪蓮娜祖莉近年因擔心家族遺傳嘅癌症,所以早前進行切除乳房組織嘅手術,畢彼特因為呢件事對安琪蓮娜更加愛護。據英國媒體報道,兩公婆近日已經同歐洲飛機廠商會面,打算將飛機停放喺法國。安琪蓮娜本身就考咗飛行執照,駕駛飛機經驗仲相當豐富添!但因為要將飛機停喺水上需要更高嘅技巧,所以畢彼特貼心為老婆安排咗水上飛機訓練課程。
留言