孫燕姿唱〈我懷念的〉失準,去到高音位唱唔到落去。
當晚孫燕姿邊唱邊咳,仲要中途休息五分鐘再唱。
近日,孫燕姿「克卜勒世界巡迴演唱會」喺南寧開唱,由於當地雷雨交加,加上天氣唔穩定,所以孫燕姿都有啲唔舒服,要沙聲上場。當佢唱〈我懷念的〉嗰時,去到高音位仲唱唔到落去添!粉絲就非常識做,即時接唱變成全場大合唱。不過,之後孫燕姿就成晚邊唱邊咳,仲要中途休息五分鐘再唱。孫燕姿就話:「其實我在唱〈我懷念的〉時,就覺得我唱不下去怎麼辦,就在這時刻如果有一面牆在這兒, 我想從這邊撞過去。」
對於無法控制自己聲線嘅孫燕姿,一度黯然低頭,仲顯得幾沮喪,好彩熱情嘅粉絲就幫佢打氣,孫燕姿就勁感動咁話:「我今天的表現不是最好,但我覺得觀眾一定是最好的,是我看過最好的觀眾」然後佢咳咗一下繼續講:「轉眼演唱會到了尾聲,謝謝大家,我要感謝一直在擔心我的出品人,也就是我爸爸,開場前他覺得壓力很大,我跟他說沒關係,我可以上台,我把我可以做的、給的,全給了。」演唱會後,孫燕姿再喺微博多謝粉絲,佢話:「愛我的人不離不棄,謝謝南寧。」
留言