楊千嬅因呼吸道受到嚴重感染,將演唱會首站延遲到8月29日舉行。
楊千嬅話要時間恢復體力同聲線,仲向粉絲道歉。
楊千嬅年頭開完個唱後,除咗忙其他工作,仲要做「廿四孝媽咪」。可能缺乏休息,千嬅喺上個月忽然發高燒,要入院檢查,後來仲證實咗呼吸道受到嚴重感染,要全面停工靜養!噚日,千嬅經理人就發聲明,交代千嬅嘅健康情況同康復進度,仲話千嬅有早期肺炎徵狀!經過連日同千嬅嘅主診醫生商討,決定將「Let's Begin2015世界巡迴演唱會」廣州首站延期至8月29日在廣州體育館舉行。
喺聲明入面,千嬅經理人透露醫生作出特別安排,批准千嬅喺上星期出院返屋企休息,目前正康復當中。隨後,千嬅亦親自喺微博發文向歌迷道歉,佢話:「今年是我出道20周年,每一場演唱會對我來說都是意義重大,惟因大病初癒的我,仍需要時間恢復體力和聲線,為了堅持100%狀態,不得不作出此決定。在此我向大家報以萬二分抱歉。」
留言