朱孝天喺微博以長文回應近日嘅各種是非。
朱孝天被影到同內地女星韓雯雯行街。
前台灣男子組合F4成員朱孝天,近日被媒體影到同內地女星韓雯雯十指緊扣行街,隨後兩人被爆出已經交往半年,而且仲同居添!消息曝光後,曾經同朱孝天被影到激吻嘅舊愛姜欣雨,就即時喺微博發文,暗諷朱孝天係「渣男」(花心賤男咁解)。對於被舊愛公開批評,朱孝天都忍唔住喺微博還擊,除咗承認新戀情,仲話自己好珍惜過去嘅「孽緣」,暗示好後悔同姜欣雨拍拖。
面對新戀情曝光後嘅各種是非,朱孝天就以一篇長文作回應,當中仲講到當年紅極一時嘅F4,但朱孝天話當初加入F4並唔係自己選擇,係至今亦無法逃避嘅宿命。另外,由於朱孝天近年肥咗好多,身材走晒樣,所以成日被網民恥笑,但朱孝天就強調從來都唔Care自己嘅外貌,又話好滿意自己嘅身形。對於新戀情,朱孝天就話:「現在的我其實很幸福,因為我真正在意的人,也真正在意著我,我覺得這樣就夠了。」
留言