「劍橋女神」麥明詩貌似唐寧,又有人話似郭藹明。
出身草根嘅「牛雜妹」李美琪亦獲得唔少網民睇好!
香港小姐前日進行首輪面試之後,有部分「準港姐」已經極速被網民起底!當中最出位嘅,就絕對係學歷高、家底好嘅麥明詩(Louisa)!佢除咗係女拔十優狀元,更加係劍橋法律「First Hon」畢業生,所以獲得「劍橋女神」嘅稱號!至於其他入圍者,就以父母喺元朗開牛雜店,自稱「牛雜妹」嘅李美琪(Monnie)呼聲最高,有網民仲話今次港姐之爭,主要睇佢兩個。
「劍橋女神」同「牛雜妹」之爭,一個成績優異,美貌與智慧並重;另一個出身草根,勁有親切感。有網民就發現Louisa曾經接受報紙訪問,佢仲話要立志做女特首!所以獲得唔少網民支持,有網民就話:「希望你贏!然後我可以指電視大叫:『呢啲咪係港姐囉!』。」奪冠呼聲極高!至於牛雜妹,網民就留言話佢比較肥,不過牛雜妹相當勇,佢事後喺網上寫出自己心聲,話自己「帶著122磅肥胖身軀」參加面試,結果吸引50,000人次閱讀,挽回唔少「民望」。
留言