蔡康永透露自己當年出櫃成為唔少同性戀者嘅榜樣。
喺節目入面,蔡康永愈講愈激動,最後仲爆喊添!
台灣知名主持人蔡康永喺2001年公開出櫃,承認同圈外男性密友相戀十多年。近日,佢喺內地節目再度開腔,透露自己當年出櫃成為唔少同性戀者嘅榜樣,亦令唔少圈中人喺出櫃前都會問佢嘅意見。蔡康永就話「出櫃導師」呢個身份令佢有唔少壓力,佢仲話自己太孤獨,希望有多啲人可以勇於出櫃。講到呢度,佢嘅情緒就開始激動起嚟,仲喺鏡頭面前爆喊添!
前日,蔡康永喺內地節目《奇葩說》錄製現場再度開腔大談出櫃,佢話:「愈多的人出櫃,那『櫃子』就愈不容易存在。」但每次被圈中人徵求意見嗰時,蔡康永就覺得內心好掙扎,佢話:「我還是會擔心,因為他們沒有經歷過我經歷的事情,所以我沒有把握當他們遇到困難的時候,能像我一樣挺得住。我唯一能夠做到的事,就是向爸爸媽媽證明我們不是妖怪,我們可以很好地活在世界上。」
留言