卡拉OK點播率突破2,500萬嘅陳奕迅,出席新歌祝捷派對。
陳奕迅(Eason)近日出席新歌祝捷派對,仲喺現場播出由老友謝霆鋒創作嘅新歌〈起點.終結〉嘅MV,Eason話新歌咁受歡迎,令佢覺得好感動。由於「廚神」謝霆鋒好忙,所以搵到佢寫歌真係好難得。至於新歌MV,Eason話自己落力模仿霆鋒最「Chok」嘅一面,希望歌迷可以感受到佢另類嘅認真。
喺活動期間,Eason見證咗男歌迷跪地向女友求婚嘅一幕,佢隨即「吹神」上身,大談夫妻之道。佢話:「第一次咁近距離睇人求婚,感覺好Sweet,感受到佢哋嘅幸福同愛。」Eason仲叮囑男歌迷要錫老婆:「聽老婆話先會發達!」問到佢點同老婆徐濠縈求婚?Eason就話:「喺一個好秘密嘅場所,得我哋兩個人先知道,過程都好低調,所以我覺得佢(男歌迷)當眾求婚好勇!」
留言