澳門本地原創音樂頒獎禮——第13屆《澳廣視至愛聽力》將於7月31日晚上8時於澳門文化中心隆重舉行頒獎音樂會，入圍的69首參賽歌將會競逐多個獎項。為了令各位更了解一眾本澳歌手和他們的候選作品，《力報》由即日起訪問各入圍歌手，大談他們歌曲的創作歷程！

自我介紹：
大家好，我哋係Sketch！意思係用音樂隨心寫作。四位成員：由多、Derrick、Bosco、阿雄，各有不同興趣，加上海外讀書嘅填詞人梁嘉傑，各自令Sketch成長。

點解要聽你首歌？
生命旅途中總會遇到好多唔同嘅人和事，或者你唔會記得每一張臉孔，但佢哋都有唔同嘅故事。〈過客〉希望透過呢首歌提醒澳門人，唔好被大世界衝擊人與人之間嘅關係。

除咗唱歌，仲有乜嘢叻？
打機睇動畫。曾經為咗呢兩樣嘢連續超過24個鐘冇瞓過。

個人金句/座右銘？
Dream as if you will live forever. Live as ifyou will die today.

最喜愛嘅一句/兩句歌詞？
象徵式心跳對照，活著亦未能再發笑。〈過客〉

如果得獎，你有咩嘢想講？
多謝所有支持Sketch、支持澳門音樂嘅朋友，特別多謝攞晒全家人電話嚟投票嘅人！

自我介紹：
Experience係一隊由本地人喺2003年組合而成嘅樂隊，意思為「經驗」，樂隊以此作為隊名嘅原因，係因為每次演出都係一次經驗，而呢啲經驗都係獨一無二，可以令樂隊成長到更高層次。

點解要聽你首歌？
幾年轉咗十幾個版本，iTunes同KKbox都可以下載，聽完你就知點解要聽，唔聽你又點知點解呢？

除咗唱歌，仲有乜嘢叻？
動漫研究。

個人金句/座右銘？
一榮俱榮，一損俱損，無名無德，天下一家。

最喜愛嘅一句/兩句歌詞？
十點半起床， 我們就去火鍋店。〈有你在2015version〉

如果得獎，你有咩嘢想講？
多謝2015年，多謝EVA，多謝《新世紀福音戰士》，多謝庵野秀明。

自我介紹：
我係現職嘅全科西醫，2012年參加澳廣視「SING擂台3」成為台主兼獲得人氣大獎。除咗唱歌，亦有參與多個歌舞劇演出。

點解要聽你首歌？
今次再同新加坡音樂人黃德江合作，一改以往曲風，以台式情歌嘅編曲模式，配以鋼琴、弦樂，用一種清淡、重感情嘅唱法帶出故事。

除咗唱歌，仲有乜嘢叻？
樂器！我係澳門愛樂協會澳門管樂團及澳門銅管重奏協會嘅長號樂手！

個人金句/座右銘？
改變不了別人，只好改變自己

最喜愛嘅一句/兩句歌詞？
我多麼想和你見一面，看看你最近改變。〈好久不見〉

如果得獎，你有咩嘢想講？
感謝一直支持我嘅朋友、家人，多謝TDM比機會我唱歌。能夠喺音樂路上遇到欣賞自己嘅人，要學識感恩，特別要感謝兩位監製（Rony、Kevin）畀機會我。