汪峰向章子怡成功求婚後,就一直傳出佢哋已經註冊結婚嘅消息。
早前,汪峰向章子怡求婚成功後,兩人就喺3月29日去咗香港排期註冊結婚,但依照規定,佢哋要喺提出申請後嘅三個月內,到香港簽紙註冊先有法律效力。剛好6月29日係汪峰生日,亦係佢哋排期註冊三個月有效期嘅最後一日,由於汪峰而家正喺西安舉行演唱會,根本無時間去簽紙,所以有網民就估佢哋喺5月嗰時已經偷偷地去咗香港簽紙,低調完婚。
繼汪峰高調向章子怡求婚成功搶頭條之後,對婚事一直封口不提。不過,有眼利嘅網民就發現,汪峰喺5月9日現身深圳巡唱時,未見佢戴有戒指,但到5月17日嘅天津演唱會,佢左手無名指就戴上咗戒指。之後每一次公開亮相,汪峰嘅無名指都戴住戒指,所以有網民就推測佢同章子怡喺5月17日前已經神不知鬼不覺去咗香港簽紙。有內地媒體就呢件事聯絡汪峰,但汪峰就話暫時唔想回應,仲話遲啲會畀大家一個個驚喜……莫非佢諗住喺演唱會上即時註冊結婚,借機搏宣傳?唔會又係呢啲屎橋啩?
留言