以「海豚音」聞名嘅張靚穎喺長沙開唱期間,突然向男友逼婚。
張靚穎男友馮軻,話要女友開口求婚覺得唔好意思。
內地女歌手張靚穎以「海豚音」聞名,更憑電影《畫皮》主題曲〈畫心〉,榮獲「第28屆香港電影金像獎」最佳原創電影歌曲,成為首位獲得呢個獎項嘅內地女歌手。噚日,張靚穎就去咗長沙開唱,當唱到〈終於等到你〉嗰時,佢突然喺台上逼婚:「12年,我不想一個人過了,你要娶我就上台!」佢台下嘅CEO男友就即時衝上台,仲攬住張靚穎嚟錫,真係做戲咁做,夠晒戲劇性!
當晚,張靚穎唱完〈終於等到你〉後,佢忽然有感而發喺台上講自己18歲到30歲嘅戀愛經歷。佢話:「這段日子一直有個男人陪伴在身邊、保護著自己,心中雖滿是感謝,但12年了,我不想一個人過,你要娶我就上台!」佢一講完就全場起哄。至於佢男朋友聽到就非常識做, 即時衝上台,仲話要女朋友先開口求婚覺得有啲唔好意思,之後就徇眾要求攬住張靚穎嚟錫。據了解,張靚穎男友叫馮軻,今年45歲,係經理人公司老闆,之前結過婚,喺05年離婚,仲有個仔(口添)!
留言