吳雨霏同老公洪立熙深情對望,幸福滿瀉。
(左起)鄧麗欣、吳雨霏、楊愛瑾、區文詩,四位Cookies前成員影合照。
喺意大利舉辦婚禮嘅吳雨霏(Kary)同老公洪立熙(Brian),噚日喺婚禮前夕舉行BBQ派對,歡迎一班去到意大利出席佢哋婚禮嘅親友。BBQ派對喺意大利時間晚上7點開始,剛好係日落嘅時候,配合酒莊嘅郊外景色,非常浪漫。出席派對嘅親友大約有50人,全部都係Kary同Brian嘅屋企人同老友,至於圈中好友就包括Cookies前成員鄧麗欣(Stephy)、區文詩(Angela)同楊愛瑾(Miki)。
噚日,新娘子Kary喺微博貼出同老公Brian深情對望嘅相,佢用英文留言話:「今晚是我曾經想要的一切。」相中Kary身穿白色露肩長裙,配戴花環做頭飾,大玩歐陸風情。其實今次草原BBQ派對係Kary嘅主意,佢話:「一邊睇住日落,一邊BBQ,算係完成咗我其中一個心願。」派對約晚上11點完結,而兩人婚禮儀式就會喺意大利時間7號傍晚6 點舉行。
留言