澳門本地原創音樂頒獎禮——第13屆《澳廣視至愛聽力》將於7月31日晚上8時於澳門文化中心隆重舉行頒獎音樂會，入圍的69首參賽歌將會競逐多個獎項。為了令各位更了解一眾本澳歌手和他們的候選作品，《力報》由即日起訪問各入圍歌手，大談他們歌曲的創作歷程！

自我介紹：
從小性格比較反叛，呢種反叛性格或多或少嚟自家庭，細個除咗讀書同練琴，屋企人唔鍾意我參加其他課外活動，包括：唱歌、跳舞、練波，但係正所謂遇強愈強，愈唔畀唱愈要唱！

點解要聽你首歌？
兩個字：好聽！

除咗唱歌，仲有乜嘢叻？
算係有語言天分，容易掌握新嘅語言。

個人金句/座右銘？
食得是福！

最喜愛嘅一句/兩句歌詞？
年華漸長走過了太多年，用信念將一切當作考驗，不管心態累了，前方都要微笑，只好相信情人於不遠處跟你笑。〈最後年華〉

如果得獎，你有咩嘢想講？
除咗多謝〈最後年華〉嘅班底，仲想借呢個機會多謝過去一直支持我嘅音樂人，感謝佢哋過去創作咗好多好歌好詞畀我，但過去幾年都無辦法喺台上致謝。

自我介紹：
細個學習古典鋼琴為主，去到中學時期開始曲詞創作至今，同時亦致力於和聲配製及表演。

點解要聽你首歌？
呢首歌表達對深愛對象嘅思念，希望借呢個機會將感動同喜悅嘅心情向聽眾分享。

除咗唱歌，仲有乜嘢叻？
吹水、亂嗡、發癲。

個人金句/座右銘？
最緊要好玩！

最喜愛嘅一句/兩句歌詞？
光加熱，等於火；火加光，等於我。〈激光中〉

如果得獎，你有咩嘢想講？
係時候要諗下有乜嘢可以繼續玩！

自我介紹：
大家好！我叫羅凱瑩，可以叫我做Vivi。喺澳門唱歌大概有十年時間，經過呢幾年嘅努力，終於喺今年正式成為澳門嘅全職女歌手。

點解要聽你首歌？
我第一次聽呢首歌嘅時候，被凄美嘅旋律感動，聽完前奏已經好有畫面。呢首歌其實係四年前嘅作品，喺四年入面，我用咗好多唔同嘅方式去演繹呢首歌！

除咗唱歌，仲有乜嘢叻？
我扮聲好叻，小朋友、阿婆、比卡超、米奇老鼠、邪留丸王子、唐老鴨都無難度！

個人金句/座右銘？
做任何事都要竭盡全力，爭取自己最想要嘅結果！

最喜愛嘅一句/兩句歌詞？
他已走，茶花孤芳再開。情景再美，但也滿目瘡痍。〈茶花女〉

如果得獎，你有咩嘢想講？
多謝一直以嚟支持我嘅朋友同歌迷，如果你哋鍾意〈茶花女〉，不妨再聽下我以前嘅歌。