范瑋琪戴住假髮同老公陳建州一齊出席活動。
范瑋琪同張韶涵當年同屬一間唱片公司,更傳出因搶資源而發生爭執。
今年1月,台灣歌手范瑋琪生咗一對雙胞胎榮升做媽媽。日前,佢參加台灣綜藝節目《康熙來了》嗰時,因打排卵針搞到甩頭髮,要戴假髮現身,令唔少粉絲都表示心痛。不過,有網民就重提當年佢疑似喺微博暗串張韶涵一事,話說佢哋當年同屬一間唱片公司,兩人因搶資源而發生爭執,所以范瑋琪喺微博暗串對方無讀過大學,抹黑對方。
因為范瑋琪同張韶涵嘅不和傳聞再次成為熱話,有網民就覺得范瑋琪表裡不一。見到老婆被人鬧,老公陳建州(黑人)就即刻出面解釋,佢話范瑋琪從來無暗串過張韶涵,更喺微博發文指有人刻意抹黑老婆,佢話:「和范范(范瑋琪)交往到現在已經14年!一起面對了許多風風雨雨,現在有人刻意造謠抹黑范范,我是不會接受的!但現在的環境,遇到造謠抹黑常常會有理說不清,只期待社會能有更多的正面能量!」
留言