崔世平憂慮人口過份集中在A區，不但居住環境，將來交通壓力也很大。

CDE變富人區？ 李燦峰：唔係每區都可以做到咁精
一直標榜「綠色低碳」的CDE區，總面積比新城A區還要大，居住密度卻比A區足足少一半。民間一直要求崔世安將2萬8公屋承諾平均分佈在各區，到目前為止政府依然沒有半點回應，也未曾公佈其他區的公屋比例。今日介紹會上，連間選議員崔世平都忍唔住開口，指新城16.2萬居住人口不應只集中在一區，規劃應該平等一些，「唔好一區過份優化，一區完全追唔上」。
對於居住人口可否拉勻些？工務局長李燦峰指，新城居住密度每平方公里約4.6萬，A區有7萬，這是「政策調整後的結果，規劃上亦做得到」。他又力撐相對黑沙環、祐漢每平方公里住了超過17萬人，A區密度也不算高，「住係呢區，其實我地唔係諗會舒服啲，但可能樣樣都方便啲，設施都完備啲。」他又指A區以高樓為主，不像舊區大部分是7層高，樓與樓間隔大些「通風都好啲！」但新城環評和風流動評估報告，工務局一直交不出來。
他坦言，CDE區定位係「低密度」的低碳綠色居住區，「其實我們希望提高素質，但係咪每一區都可以做到咁精？呢個都係順應社會發展需求。」