楊紫瓊與未婚夫的婚禮預計於年底或明年年初舉辦。
楊紫瓊相隔15年後再以《臥虎藏龍》的角色造型打造蠟像。
日前,國際影星楊紫瓊的新蠟像揭幕,對於相隔15年後再以《臥虎藏龍》的角色造型打造蠟像,她笑稱這次製造蠟像的過程花了五小時,而她擺五分鐘Pose已開始腳痺。早前已表示快與未婚夫完婚的楊紫瓊表示,計劃於年底或明年年初舉行婚禮,最好是低調進行,然後再於香港、大馬舉行派對慶祝。
身形清減不少的楊紫瓊表示,早前撇下法拉利總裁未婚夫Jean Todt,遠赴印度爬山、看廟宇,她說:「頭幾日起唔到身,又頭痛,吸咗氧氣後先可以繼續爬。(未婚夫同行?)冇,我驚佢行到一半要人抬佢落山!不過佢而家好乖,有樓梯就唔搭Lift,都已經瘦咗。(為結婚作準備?)係呀!希望今年結婚。」
楊紫瓊表示因為經常要開戲,所以難抽時間搞婚禮,加上父親去年年底逝世,因此婚事預計於年底或明年年初進行。問到會不會在香港搞婚禮?她說:「最好係靜靜雞結婚,再去每個地方開Party,因為搞好大嘅婚禮就同朋友分享唔到,最緊要喺馬來西亞、香港開Party,到時一定會通知大家。」
留言