陶喆公開道歉未夠一個月,又被影到深夜約會索女。
陶喆被媒體拍到同一名索女同車返屋企,疑似再次出軌。
結婚唔夠一年嘅歌手陶喆,早前被爆背住老婆偷食,與前女友楊子晴喺婚後繼續鬼混。事後,陶喆召開記者會承認偷食,仲向老婆Penny、家人同粉絲道歉,最終獲得老婆嘅原諒。日前,陶喆又被爆深夜約會索女,疑似再度出軌!雖然陶喆就透過經理人公司例牌否認,但老婆Penny就已將Facebook頭像嘅夫妻合照,換成一張同狗仔嘅溫馨合影,疑似對陶喆已經徹底死心。
早前出軌偷食公開道歉未夠一個月嘅陶喆,日前又被台灣媒體影到同索女深夜坐車返屋企,被爆再次出軌。消息傳出後,陶喆嘅經理人就話嗰名女子係陶喆老婆Penny,但之後改口話:「是國外回來的親友。」之後又再次澄清:「後來又送那女生回家了。」否認兩人一齊返回陶喆屋企。而陶喆嘅前女友楊子晴,就喺微博發文諷刺話:「本性難移,趕緊去準備PPT吧!看你這次的PPT要怎麼做。」
留言