胡杏兒接受內地電視台訪問,大爆同男友秘密拍拖嘅過程。
胡杏兒話男友係被自己去年嘅泳照所吸引。
現年35歲嘅胡杏兒,同夜場老闆Phil雖然拍拖唔夠一年,但兩人一直愛得高調,仲已經到咗談婚論嫁嘅階段。日前,杏兒接受內地電視台訪問,大爆同男友秘密拍拖嘅過程。主持人話佢男朋友睇落好後生,杏兒就大爆Phil其實已經42歲,仲話男朋友係因為去年被自己嘅泳照所吸引。之後,杏兒又大讚Phil為人體貼又細心,令自己好有安全感。
杏兒喺受訪嗰時表示,原來佢同Phil係由一名女性朋友介紹認識。去年夏天,杏兒同一班好姊妹胡定欣、胡蓓蔚著比堅尼出海,之後喺微博貼出泳照,當時Phil睇到之後,覺得杏兒好「Hot」,所以叫朋友介紹杏兒畀佢識,不過當時杏兒覺得對方靠泳照識女友,一定唔係好男仔,所以無理對方。隔咗兩、三個月之後,杏兒出席好友生日飯聚,對方偷偷通知Phil到場。杏兒甜蜜回想當時自己抬頭睇到Phil行入嚟,感覺好Sweet,仲話自己係一見鍾情。
留言