（左起）AJ、祖絲和羅嘉豪分別推出遊記及新專輯。  

羅嘉豪表示花了三年時間籌備遊記，現在終於面世感觸良多。  
日前，本澳唱片公司超級娛樂（SP Entertainment）旗下三位藝人羅嘉豪、祖絲及AJ在官樂怡基金會畫廊舉行「超級娛樂藝人新書及唱片發布會」，分別推出遊記及新專輯。三人現場分享了籌備書本及唱片的過程，更一度激動落淚。其後，他們在現場演繹專輯內的主打歌曲及舉辦簽名會。

沉迷音樂創作的羅嘉豪近年來發表過不少音樂作品，他說：「因為工作一直太忙，所以花咗三年嘅時間籌備，而家遊記終於面世，真係感觸良多！」而近來活躍於歌唱及主持工作的祖絲，則推出首張個人迷你專輯《何芷晴》，以歌聲展現真我，唱片設計團隊亦為她打造百變造型，展現出性感及時尚的祖絲。

澳葡混血唱作歌手AJ出道短短一年，已為多位澳門歌手作曲。對於首次推出個人唱片，他興奮表示：「我係一個好冇自信嘅人，從來都冇諗過有機會踏上舞台表演，一切源於一次偶然嘅機會幫羅嘉豪唱和音，所以我好多謝佢。今次嘅唱片我有好多創作嘅空間，所以能夠打造出一張充滿澳葡特色嘅《Macanese》。」