文詠珊接拍加盟太陽娛樂後首部內地劇集《畢業歌》。
文詠珊喺內地劇集《畢業歌》中獻出螢幕初吻。
文詠珊(Janice Man)自從加盟太陽娛樂後,即時作多方面發展,近日仲接拍內地劇集《畢業歌》,成功殺入電視圈。佢先喺劇中獻出螢幕初吻畀未婚夫王耀慶,之後又同另一男演員荊浩激吻,左右逢源。Janice Man就大讚兩位演員專業,佢話:「我同佢哋都係真錫,佢哋係好專業嘅演員,仲好Gentleman,NG咗幾次就搞掂。」問佢點解唔借位?Janice Man就話:「劇情需要我唔會介意,而且我好信任導演同佢哋。」
最近,Janice Man喺內地拍攝抗日戰爭70周年紀念重頭劇《畢業歌》,成為佢加盟太陽娛樂後嘅首部內地劇集,仲同內地好戲之人鄔君梅、李小冉同台鬥演技。第一次拍劇就遇上演技派對手,Janice Man表示非常感恩,佢話:「之前已經睇過鄔君梅演嘅戲,非常欣賞佢嘅演技,估唔到今次居然有機會同佢合作,好意外又好開心。佢戲裡戲外都當我妹妹咁照顧,又教我演戲,真係好感謝佢。」
留言