蕭正楠被田蕊妮要求當眾除鞋脫襪才肯拍合照。
田蕊妮擔心日本天氣太凍,怕有裸露戲的陳凱琳會凍親。
日前,蕭正楠、田蕊妮和阮兆祥等人為新劇《巨輪2》進行外景拍攝,田蕊妮表示這次拍攝大家的默契都比上一次更好,對年底到日本沖繩拍攝外景更是充滿期待。拍合照時,田蕊妮嫌棄蕭正楠的黑色長襪跟他的造型不配合,要求他脫去襪子才合照。蕭正楠逼於無奈之下只好即場除鞋脫去襪子,場面搞笑!
提到跟陳凱琳的親密戲分,蕭正楠表示床戲部分還沒有開始拍攝,他說:「導演想拍得仔細啲,畀多啲美感大家睇,唔係Sell好情慾嗰種,希望拍出嚟係靚嘅。」問到有否向女友黃翠如報告?蕭正楠說:「唔使喇!拍戲大家都明。(同女友試戲?)咁激情?畀佢睇下劇本先,睇佢肯唔肯試喇。」
同場的田蕊妮透露將在10月中到本澳拍攝,待台慶結束約11月尾,再前往沖繩逗留兩周。談到屆時日本天氣轉冷,田蕊妮直言擔心有裸露戲的陳凱琳凍親,她說:「佢啲戲服好薄,又短褲又背心,仲要咁瘦冇乜脂肪。(畀佢搶晒鏡?)我都唔係靠身體,你真係想睇我Body咩?」
留言