第十三屆《澳廣視至愛新聽力》已經圓滿結束一段時間，《力報》作為合作媒體伙伴，再一次訪問一眾得獎歌手，希望他們可以和一眾本澳歌迷分享他們的得獎感受，並且透露未來一年的新動向！

恭喜你！可以再和讀者分享你的得獎感受嗎？

多謝大家！今次〈盒子〉呢首歌得獎真係好開心！多謝TDM提供呢個平台畀澳門嘅音樂人，仲要多謝專業評審對〈盒子〉嘅肯定，亦都要多謝播過〈盒子〉嘅DJ。最後當然要多謝〈盒子〉呢首歌背後嘅功臣：作曲及編曲嘅Jason、作詞嘅Tomy、拍攝Album Cover嘅百強、化妝嘅Aki，仲有MV製作團隊「柒秒獨立帆布床製作」、跳舞嘅Wina@TDSM和露明@ TDSM，以及MV化妝造型嘅小煩和阿Mi。

知道得獎的那一剎那，腦海裡想到了甚麼？

聽到司儀講〈盒子〉得獎嘅時候，腦海其實係一片空白，下一秒係「太好喇！Jason同大家嘅努力都冇白費喇！」其實一開始收到Demo嘅時候已經感覺到Jason對〈盒子〉非常重視，一切關於〈盒子〉嘅大小事佢都親力親為，好著緊；所以〈盒子〉好似Jason嘅BB，有種湊大咗佢BB嘅感覺。

有甚麼東西驅使你繼續做音樂？

希望自己可以繼續進步，呢個成為咗我堅持嘅動力。

何時再會有新歌、新專輯或MV推出？可以簡單介紹一下嗎？

暫時未有計劃。

除了得獎歌曲外，你最想讀者聽到你邊首作品？

之前亦有一首歌係同Jason合作嘅，叫做〈天真不再〉，由Jason作曲、六毫子填詞、阿薑編曲，大家可以搜尋「Queena天真不再」。

恭喜你！可以再和讀者分享你的得獎感受嗎？

興奮之餘也受寵若驚。沒想過這題材能得到大會（TDM）評委的認同，最重要是有聽眾喜愛和支持。

知道得獎的一剎那，腦海裡想到了甚麼？

第一個感覺以為是宣讀錯了。

有甚麼東西驅使你堅持做音樂？

從感受到自己能創作音樂開始，就沒有想過要停止。樂隊合力創作、排練、演出的時間，是無可媲美的樂事。創作音樂對我們來說，源動力在於「有話就要說」的一份熱血。

何時再會有新歌、新專輯或MV推出？可以簡單介紹一下嗎？

〈夢．雨．夜 Rainy Night Dream〉MV已鐵定在9月5號於婆仔屋舉辦的「Blademark Festival 2015」內隆重首播。我們亦努力錄製新歌當中，下半年也會四出參加各地的音樂節，加上刃記有多個機會將多首重型經典歌曲以Acoustic形式演繹。

除了得獎歌曲外，你最想讀者聽到你邊首作品？

〈戰書〉.〈黑金剛〉.〈一五一十〉〈走投無路〉.〈打Band仔〉.〈自我年代〉.〈夜船〉.〈我燒故我在〉.〈2012後〉.〈心態硬〉.〈翻牆〉……。要全部說出來，未免太多了！全部都可以在我們樂隊官方網頁「www.blademark.club」直接收聽。