張潤民：B區唔起樓驚無「人氣」

張潤民：B區唔起樓驚無「人氣」
為左層樓，可以去到幾盡？有後生仔話，淨係想有屋住，唔好再講咩焚化爐……有論壇常客指摘反對B區建高樓的市民「講風涼話」，無得起高，後代邊有屋住？主教山唔拆已經好俾面！ 在場市民即時反駁：點解個社會可以變得咁撕裂？咁扭曲？
台下炮聲隆隆，正反雙方短兵相接，台上官員隔岸觀火，一見勢色不對便「以退為進」，稱意見都會考慮，虛與委蛇，以免火燒身。「音響女孩」窮追不捨，步步進迫，質疑B區2千豪宅對澳門發展有何效益？赤膊上陣的工務局副局長張潤民倒背如流，即時卸落內地專家：「技術團隊指B區若太少住宅，夜晚無人氣，不利商業發展」。
「南灣湖CD區將來不建住宅嗎？為何會『人氣少』？」記者會後追問。
「我們現在考慮的是新城。」一個華麗轉身，張潤民又輕輕閃過。
再追問政府憑甚麼推翻上一階段的民意，張潤民又辯稱，B區的旅遊文化設施用地只是換成了綠地和公共開放空間，「因為正正位於景觀視廊位置，原來(文化)建築無左…….」記者反問：旁邊都可以起百米高樓，文化設施又如何影響視廊？
張潤民當聽唔到又不停Loop：技術分析意見指應該要有少量住宅……否認當局早已有腹稿，諮詢是選擇性聽民意，重申「民意和專業要相結合」。
事實上，對比新舊諮詢文本的模擬圖(見下) ，B區靠近旅遊塔一側，不但原來的旅遊文化設施消失了，豪宅的佔地也明顯發水。
 
【拆穿謊言】 8/28前一人一信救新城：http://goo.gl/Wc5l1d