張栢芝參加內地綜藝節目,分享自己剛出道時嘅經歷。
張栢芝喺節目中獻唱經典歌〈星語星願〉。
近日,張栢芝現身湖南衛視最新一期《天天向上》。喺節目入面,狀態唔錯嘅栢芝大爆自己剛出道時嘅經歷,當螢幕播出佢當年第一次拍攝廣告時嘅相,栢芝即刻充滿自信咁講:「大家應該看到我沒有整容啦!」栢芝仲同現場觀眾分享同兩個仔仔Lucas及Quintus嘅生活趣事,仲話希望自己可以再生多一個女!
好耐都冇出席公開活動嘅張栢芝,近日參加內地綜藝節目《天天向上》。栢芝先喺節目入面分享自己嘅育兒心得,佢話:「我會將母乳當香水塗在衣領,這樣BB就會覺得我身上有媽媽的味道,便會喜歡和我親近。」不過,栢芝笑言已經受夠男仔啲玩具,所以好想生一個女,佢話:「同Lucas、Quintus談論『妹妹』的問題時,他們兩兄弟都表示讚同,但有一個前提,就是不要和他們搶玩具!」
留言